БАРАЊЕ ПОНУДА

За спроведување истражување за Програмата за мировно образование - во средните училишта и изработка на компаративна анализа во рамките на одбележувањето 15 години мировно образование

Почитувани,

Првата детска амбасада во светот „Детска амбасада МЕЃАШИ“ ве поканува да доставите техничка и финансиска понуда за стручна поддршка при спроведување анкетно истражување на тема „Мировното образование во средните училишта“, статистичка обработка на податоците и изработка на компаративна анализа со претходните истражувања.

Истражувањето се спроведува во рамките на Програмата за мировно образование, по повод одбележувањето 15 години од нејзиното спроведување.

1. Цел на истражувањето

Целта е да се добијат ажурирани податоци за застапеноста, облиците и перцепциите за мировното образование со посебен осврт на насилството (меѓуетничко, врсничко, структурно...), како и за начините на превенција и постапување во опфатените средни училишта.

Истражувањето треба да овозможи:

детална споредба на наодите од 2026 година со резултатите од истражувањето од 2019 година;
севкупен споредбен осврт на достапните резултати од 2011, 2013, 2019 и 2026 година;
согледување на промените во училишната средина и практиките за превенција и справување со врсничкото насилство;
формулирање препораки за понатамошниот развој на Програмата за мировно образование и за унапредување на училишните политики и практики.

Компаративната анализа треба да се заснова на методолошки споредливи показатели, со јасно наведување на ограничувањата што произлегуваат од евентуални разлики во прашалниците, примероците или начинот на прибирање податоци. Заклучоците за придонесот на програмата треба да бидат соодветни на истражувачкиот дизајн и расположливите податоци.

7.Критериуми за избор на понудувач

При разгледувањето на понудите ќе се земат предвид квалитетот и изводливоста на методолошкиот пристап, искуството на понудувачот, предложената временска рамка и финансиската понуда.

Одлуката за избор ќе биде донесена врз основа на вкупниот број освоени бодови, согласно следните критериуми:

Критериуми	Максимален број бодови (%)
Квалитет и соодветност на предложената методологија, особено пристапот кон компаративната анализа на истражувањата од 2011, 2013, 2019 и 2026 година	40
Релевантно искуство на понудувачот и стручност на истражувачкиот тим во спроведување слични истражувања и статистички анализи	25
Вкупна понудена цена (€)	25
Изводливост на временскиот план и рок за доставување на финалните материјали	10
Вкупно	100

Целосниот оглас е достапен на следниот линк